موضوع: عالم تحت الماء -Aquarium - أكواريوم اسطنبول الثلاثاء 25 مايو 2010 - 19:58
أخترت لكم اليوم هالتقرير من رحلتي الربيعية لـ إسطنبول 2010 أكورايوم اسطنبول افتتحوه من قريب وهو موجود داخل فوروم اسطنبول يعني ممكن تاخذ يوم كامل فيه مابين تسوق و العاب و ترفيه للأطفال و المطاعم
ويوجد
داخل السوق عالم الثلج لكن للأسف مادخلناه بس اللي دخلوه امدحوه وهذا موقع السوق جبته لكم انجليزي بس الأكواريوم تركي للأسف
.. الدخول كان فيه عليه عروض للعوائل .. أم و أب و طفلين اعتقد 75 ليرة تركي
.. والدخول العام .. التذكرة للكبار : 25 ليرة تركي للصغار و كبار السن : 18 ليرة تركي
أول ماتدخلون فيه مصورين لأخذ صور للذكرى تستلموها بعد ما تطلعوا من الاكواريوم
.. أبتدي التقرير المصور وياكم ..
وان شاءالله اللي مايحبون التفاصيل تعجبهم الصور
اللي بيدقق بيشوف التصميم الداخلي مو ذاك الزود لكن اللي يبغى يستمتع لايدقق بشيء
بمجرد دخولكم المكان بتسمعون اصوت خرير ماء وعصافير أعتقد
بعد
كذا توصل للدرج المتحرك وتكمل الجولة في الدور الثاني للاكواريوم
دققوا
زين في هالصورة ايش تشوفون ؟؟
بهالصورة
بتوضح لكم اكثر ان الارضية مو بس رمل لا كلها سمك ترابي سبحان الله يختفي
بطريقة غريبة في الرمل لدرجة انك ماتلحظه من اول نظرة وبصعوبة قدرت اصورهم
مجرد
مايحسون بحركتنا ينزلون للقاع
في
النهاية الواحد ما يقول الا سبحآنك ياربي
استاكوز
جدار
زجاجي على جنب كله انواع غريبة من الاسماك ولكن ابلشوني اثنين لفينا المكان كله ورجعنا وهم يصورون سمكة سمكة ماصورت الا كم نوع بس للأسف
هذولي
غواصين مدري شيسوون بس صورتهم
نيمو
على قولة اولااطافيلنا شكلهم مرة حلو ع الطبيعة
بعدها
خلصنا من هالمكان رحنا الى نفق الاسماك وهذا اكثر اقسام الاكواريوم متعة طبعا فيه مسارين واحد متحرك والثاني ثابت
هذا
الشيء اللي جاي من ورآ هو المرعب الحلو في الموضوع كله ذكرني
بالقرش اللي كن يلاحق عدنان في عدنان ولينا زمان
ما
ادري صراحة هنا كم حجمه بس اذكر في اكواريوم ماليزي كانوا كاتبين انه اكبر بـ30% من الحجم اللي نشوفه عليه او اننا نشوف بس 30% من حجمه الطبيعي نسيت
مدري
هذا رحمته اول مرة اشوف قرش اطرم ماله اسنان
بس
هذا كفى و ووفى الله يكسرهم 3 صفوف مو صف واحد
هذا
نوع من القروش يمشي ومعاه نوع سمك ملازم له شفته هنا وفي ماليزيا
هنا
قروش صغيرة اللي تشوفونها وانواع و الوان مختلفة للاسماك
الغواص
مدري شفيه متكتف وماشي في البداية حسبته مجسم بس طلع حقيقي
هذا
المكان حلو كانت الألوان فيه والاضاءة مرة ممتعة وهالسمكتين لفتوا انتباهي
وبعد
ما خلصنا من النفق طلعنا لمنطقة بعد فيها اسماك والبوفيه
غواص
ينظف الحوض
وفيه
جلسات قدامها جدار مائي وفيه غواص يستعرض بعدين اخر شيء يسوي فقاعات الاكسجين بطريقة غريبة وشكلها حلو بس والله مافهمنا شيء كل كلامهم بالتركي
وفي
نفس المكان فيه مدخل نشوف منه الجزء الخلفي من نفق الاكواريوم
بعدين
ياخذك الطريق الى المخرج وفي طول الطريق فيه احواض على الجدران وفيها انواع مختلفة من الاسماك بنفس طريقة المدخل اول ماتدخل الاكورايوم الصورة والمجسم اللي بجنبه انه حصان البحر
اخطبوط
هذي
نهاية الممر واعتقد اخر شيء يقصدون فيه التلوث البيئي كيف يسوي بمياه البحر مقارنة بالاحواض اللي قبله والله اعلم
وفي
الأخير فيه سينما شغال نفس الشيء فيها فيلم عن الاكواريوم لكن بالتركي
رجعنا
طلعنا بالمصعد واخر شيء يقابلك هالمحل وبكذا تكون انتهت الرحلة
المكان حلو وياخذ وقتك بدون ماتحس وممتع خصوصا للي معاه أطفال
من عيوبه كل اللوحات الإرشادية باللغة التركية فقط لايوجد حتى انجليزية
ولكن ما اعتقد انه مهم كثير لان بيانات أنواع الأسماك ماتهم كثير الغالبية
