حكاية روح...................................................!

كانت اخر دقيقة بعمره

كان بردو بيفكر فيها

كانت واخداه فى حضنها

سانده راسه على ايديها

ولما لمست دموعها جده

حس بيها وبص ليها

وباللى باقى من قوة عنده

حب يمسح دموع عنيها

كانت لحظة ما تتوصفش

كانت لحظة ماتتحكيش

كانت لحظة فيها بمشى

وليها كان عايز يعيش

وابتدت صورتها تروح

عن عنيه وتيجى تانى

قال ساعتها بصوت مجروح

اوعى تنسى فى يوم ايامى

حطت ايدها على شفايه

قالت له انا عايشة بحنانك

ضمت اكتر ليها حضنه

قالت له لسة كتير قدامك