فتنة هاد الزمان!!!!

السلام عليكم ورحمة الله تعالى وبركاته

قصيدة لصديق اسمه الادريسي

في إطار الإهتمام بالفن المغربي الأصيل،أردت أن أشارك إخوتي بهذه الزجلية المتواضعة كنت نظمتها أيام الدراسة بالجامعة ،راجيا من الله تعالى أن تعجبكم،فإن أصبت فمن الله تعالى وفضله ومنه علي،وإن أخطأت فمن نفسي والشيطان.
للإشارة سأكتب القصيدة 3 أجزاء إن شاء الله،لأنه وكما تعرفون يصعب كتابة القصائد الزجلية خطا،أكثر من نظمها.


بــــسم الله بديت وعلى الهـــادي صليت،النبي سيدنا محمد العدنــان
يا لحاضرين صلوا عليه تفوزو برضى مولانـا وتفتح ليـــكم الجنان
هادي قصتي نحكيها ليكم على فتنة الأمة المغلوبة في هـاد الزمــان
نبداها ليكم من بلادي اللي قالو لينا فيها الأمن والحرية والاطمئنان
وديعو فالراديو وخطــبو في التلفزة أن المغرب بلاد حقوق الإنسان
من المدرسة للشارع للتلفزة نحكي ونمــشيو للإنتخابات ولبرلـــمان
المدرسة ياخْواني صَبحو ولادنا فيها يتعلمو المخدرات والإدمـان

والتعليم ولاَّ عَنْــدْنا داخَلْ فْسياسة فْرنسا وْكندا وْميريـكان

باش يعطيونا الدوا والدْقيق وْيسـلفونا لْفـلوس ودوا لْفيـران

وا حَسْرا عْلىَ زْمان ،كانت فيه المدرسة,مسجد يترباو فيه ولادنا عْلْ إيمان

لكن نحييو رجال التربية،لي عندهم غيرة على وْلادنا وزرعوا فيهم الإيمان

يالْحاضرين صلوا عْلى النبي،تفوزوا وتفتح ليكم بْواب لْجينـان

* * *
مَنْ لْمدرسة يا خْواني لْلشارع،لِِّي بْناتنا ما بقا ليهم فيه أمان

ملي تخرج ليه تشوف،غير لمسخ ولعرا ولمنكر ونزوة الشـبان

بلا حيا بلا حشمه ولا وقر،فين غادي بهاد الغفلة يا إنسـان

* * *

وْالتـلفزة دْيالْنا لِّي مْلِّي تْبغي تَبدا ،بْلْكْرُونو يْحسبو ليـها حصة القـرآن

وِيلا زْوَّلْنا مْنها مْسَخ الإشهار،وكذوب لْخْبار ما يبق فيها غير الطعريجة والكمان

هاذَ دايْر برنامج قال حِوار وْدايرين بيه لِّي شْفْرو لْبلاد كْثار بْحال لْقْنـان

هـا لْغنا هالمسخ هالِّي كَيْرْدح وْيْزْدح بحال لْملبوس وقالـو راه فــنان

وَا هْنا نْحَيِّيِّوْ خُونا رشيد غلام،بْحُبْ الله ونبي يتغنى،وَا هاذَ هُوَلْفَن وْ لْفنان

وهادو أفلام لميكسيك يْبثوها ليــنا ما تْعرف فيها لْمَكْسي مَنْ لِّعْريـان

مَنْها تْعلمو بْناتنا،التبرج باسم الموضة وقالت الدولة عصر التقدم هاذَ مْزيان

وْحْتَّى نْهـار الجمعة مْلِّي التلفزة تْبْغي تْبَان لِّينا رَجعت وْنْعْلَتْ الشيـطان

كَتْجيب لينا فْقيه*عالمْ* كْبير كَيْقسم ليـنا لْوْرْث،وَجْهُ مْحَسَّنْ مْزيــان

يـَالْحاضرين صلـوا عْلى النبي،تفـوزوا وْتَّفْتَح ليـكم بْـواب لْجينـان

شكرا على الموضوع

شكرا على الموضووع

شكرا على المرووووووووووور الجميل

مشكووووور على الموضوع الرائع

بارك الله فيك