قاله قلت نبطل يزيني من خدمة لعروبه ها الخدمه لا تورثلي عقوبه
قاله راهي خدمه مرة مطر وريح وبرد قورة ونباتو ديما البرا وعويني مخمل في صرة وعيشتي الماء الحامي والفرينه مرة و عقارب و ملافع تتنافخ و مذايب تعيط من كثر عقوبه
نا يزيني من خدمه لعروبه ها الخدمه لا تورثلي عقوبه
قاله صبتلي الامطار فرحت وقلتلها مخظار
اطلقت عشبه من النوار من عشب النوار الزينه
قلت السنا نبيع منها مشوار نفدي لي ضيعته من الماليه
قاله بدتلي الميته في لخيار البركوسه وزادت الحوليه
ثرت نجري للجار قتله الدعوه طاحت بيا
قالي قلت طوبي غلبت بيها المرارة والريه
ربحو فيا اثنين الجزار والبيطريه واما الملاكه لي كيفي كل خلت عنهم الدين
منهم لي واحد خرجت نصفق في يديا لا عضيت امي في الرضاعه ولا اعطتني دعوة مغلوبه
يزيني نبطل من خدمه لعروبه ها الخدمه لا تورثلي عقوبه
قالك نايا راجل فحل و ها الخدمه تورث للذل
الرذاله تعين الميعاد في الغيبه يتمنو فيا
ضحكت عني حنينه قتلي كلتلي مالي كل وخلتني نصفق في يديا
خلتلي راص مالي كريوله معاها بغل
مرضلي البغل تمد للسبل
باتت العيله الليله كل عليه الطل
مات البغل صبحنا العيله كلها منكوبه
لا نا يزيني من خدمه لعروبه ها الخدمه لا تورثلي عقوبه
