رجّعلي الي فات من (ذكريـــاتي)

رجّعلي الي فات
من (ذكريـــاتي)
و (ارحل) إذا ودك
عسى دربك ( ورود)
وأكتب إذا تقـــدر ,,
(عزاي وممــاتي)
وأنسخ نهاية (قصتي)
وأمحي الزود
وش مستفيد إن
صار باقي (حياتي)
(ذكرى) الم واحزان
وأشواك وصدود؟؟
و (الآم) تسكني
وأنـا في صـــلاتي
و(حيلن) من الفرقه
مكسر ومهدود
(قول) ايش تبي؟
وضح!! وابد لا تحاتي
وما قلت ( نافذ)
مطلبك ماله قيود
لو كانها تهمك
شماتة (عداتي)!!
أبشر ترى مثلي
مع الهم (موعود)
أبعلن على كل
الملا ( أمنياتي)
ألي توارت وأصبحت
شي ( مفقود)
ولوكان يشجيك
البكى يا (غلاتي)
ويفرّحك دمعي
ولو جرّح (خدود)
ببكي ألين تلم
باقي ( شتاتي)
لو البكا يرضيك
يا (راعي الجود!!)
لكن تأكد
مسكنك كل ( ذاتي)
وفي قلبي لقلبك
(وفا) ماله حدود
يمكن أعاني من
(فراقك) وآحاتي
وأسهر وحبل الهم
يا (شوق) موصود
وكل ما دنا ليلي
هجرني سباتي
وأسهر حليف (الشوق)
يا ريحة العود
واشوف (رسمك)
يسكن اربع جهاتي
وأشتم (عطرك)
من ورى باب مردود
ويحيطني (صوتك)
غصب يا (غلاتي)
ما هدني في علم
أو ساعة شرود
ويلتف من حولي
وكنه (عباتي)
ويلمني لمة
قبر ثمن يعود
وش (غلطتي)
وشهي فديتك سواتي!!
حتى يكون (الرد )
نكران وجحود
ويكون (صدك)
هو دواي وجزاتي
ما كننا صغنا
( مواعيد) و( عهود)
و (أحلام) عانت من
قسى موج عاتي!!
وآمال ماتت في
ثرى حب ( مشهود)
والحين أقلك يا
بعد كل ذاتي
دامك على ( الفرقا)
معزم ومشدود !!
رجع الي فات
من ( ذكرياتي)
وأرحل فديتك
يا عسى دربك ( ورووود)

ودي