قصيدة _الغدر واش حكايتك يا الغدر يالي تفرق بين لحباب تدخل بين اللحم والظفر وتفرق من كانو قراب تدخل بين الناس وتخسر بين الخاوة وبين الصحاب مابينهم تزرع الشر وتخليهم يحصدوا العذاب واش نقول او واش نهدر وحتى نالف الف كتاب مانضنش بلي رايح نقدر نقولك كامل وش راني حاب قلبي منك راه معمر عملتنا حاجات صعاب لوكان ماشي ربي يستر لوكان رانا تحت التراب لوكان الواحد راه نتاحر ولا راهو يشرب الشراب ولا يتكيف ولا يقمر ويهلك روحو وبلا سباب وين تحب تدخل تقدر من الشقة تاع الباب ولا تمشي مور الظهر وما نديرولكش كامل حساب الغدر تردو يهدر ويقول كلام بزاف شباب والمغدور يولي حاير بين الكذب وبين الصواب يولي يشوف روحو طاير مع الحمامة فوق السحاب ولا يشوف الورد داير ومفرش من فوق التراب كيفاش رايح يجيب خبر بلي بلي هذيك الحمامة غراب شحال من واحد خاطرو تكسر تنحرق كيما الشمعة وذاب طول الليل بايت ساهر يبكي بالدموع هذاك ما صاب شحال من واحد كان يفكر باش يروح ليها خطاب هذاك النهار ناض وبكر او واش قدر كامل جاب طريق كامل فالطفلة يشكر مع والديه ومادارش حساب بلي الطفلة صابت واحد اخر وهورايحين يردوه من الباب شحال من واحد كان مقرر على ايامات يكتب لكتاب واش شرطولو كامل دبر ويزيد من عندو يا من صاب لما طلع النهار واحد اخر فتح الباب قدامو صاب ردولو قشو وهو لا خبر وما سمع منهم حتى جواب شحال من وحدة كانت تحظر في عرسها وعرضت لحباب وكاين الي لحقت حتى تتصدر وعريسها نهار عرسو غاب والناس تحكي والناس تهدر وهي تبكي وزادولها غذاب قالك ماعندهاش الزهر حبت واحد وخرج كذاب شحال من وحدة خانها الدهر بعد الزواج تبدل الحساب لقات زوجها انسان اخر ماشي هذاك الي جاها للباب وشحال من وحدة زوجها يقمر ويدخل لعشيا يرح بالشراب وهي وولادها بايتين للشر وماعندهومش يشرو كتاب
عـدد مساهـماتـكـ ✿ : 3825نــقـــ ــاطـ ✿ : 4512تـاريخـ التسـجيلـ ✿ : 11/02/2010عــ ــمركـ ✿ : 30المـوقـــــ ع ✿ : وين يحب ربيمــزاجــ ـكـ ✿ : على رصيف المحطةأعرف .. ونحن على رصيف المحطة .. أنك تنتظرين رجلا آخر وأعرف ، وأنا أحمل حقائبك .. أنك ستسافرين مع رجل آخر .. سوى مروحة صينية خففت عنك حرارة الصيف .. ورميتها بعد الصيف .. أعرف أيضاً .. أن رسائل الحب التي كتبتها لك .. لم تكن سوى مرايا .. رأيت فيها غرورك.. ومع كل هذا .. سأحمل حقائبك .. وحقائب حبيبك .. لأنني .. أستحي أن أصفع امرأة .. تحمل في حقيبة يدها البيضاء .. أحلى أيام حياتي ..
