دارها بينا لكحيليش كوفي كوجيا الظالم
بالصفرا كتّف حلّيش وقالو وين هكذا زادم
صبرنا وقلنا معليش فريقنا مزال منظم
حليش طاح فوق لحشيش جبدلو كارطا حمرة ولتم
راح شاوشي قالو شيش خرجّهالي لا كنت بنادم
دماغ واحد ما تزيد تعيش ونبعتك للبنين دم
جازو دقايق وبدى الجيش تاع الجزاير يعاود يتلم
كارطا حمرا ما تقوليش خرج بلحاج وبان الظلم
لوكان حبست هكذا ماعليش زاد شاوشي جا زادم
على جدو البابيش كمّل عليه وحاوزوا الحكم
لتما عرفنا بلي ما فيش كاس إفريقيا للأمم
لحكاية كامل بالبقشيش وحنا نلعبوا في كرة القدم
صبرنا وفرحنا وقلنا ماعليش انخلولهم افريقيا ليهم
ياكلو الفول والطعمية والعيش ويتفرجوا علينا فكأس العالم
